2013 yilning dekabr oyida Mirzo Ulug‘bek tuman XTMFMTTEB tomonidan “Zamonaviy pedagogning ko’rinishi. Libosi:  u qanday bo‘lishi kerak” mavzusida pedagog xodimlar jamoasi taqdimotining ko‘rik tanlovi e’lon qilindi. Taqdimot bir necha bosqichlar bo‘yicha baholandi.

Shunday qilib, 7-fevral kuni 171-sonli maktabda Mirzo Ulug‘bek tumanidagi 17 nafar jamoa ko‘rik tanlovda ishtirok etishdi. Maktab jamoalarining ijodiy ishlarini hakamlar hay’ati quyidagi  nominatsiyalar bo‘yicha baholashdi: “Eng yaxshi o‘qituvchi libosi”, “Zamonaviy o‘qituvchi libosi”, “O‘qituvchi uchun eng qulay libos”.

Maktabimiz ma’muriyati va o‘qituvchilari hayotiy sahna ko‘rinishi tayyorlashdi. Bu sahna ko‘rinishida asosan, taqdim etilayotgan libosning qulayliklarini, maktabga ruxsat etiladigan zargarlik buyumlarini va oyoq kiyimlarini tavsiya etishdi. Sahna ko‘rinishini quyidagi jumlalar bilan yakunlashdi: “Biz “o‘qituvchining maktab formasi” iborasiga qarshimiz, “zamonaviy o‘qituvchining libosi” deb atalishiga taklif kiritamiz”.

Ko‘rik tanlovning natijasiga ko‘ra 142, 171, 205, 223-maktablar jamoasi eng yuqori ballarga erishdi va tuman kasaba uyushmasining esdalik sovg‘alariga ega bo‘lishdi.

Bo‘lib o‘tgan taqdimotning batafsil mazmuni bilan “Uchitel Uzbekistana” gazetasining 2014 yil 31-yanvardagi 5-sonida tanishishingiz mumkin.‘‘